ఫ్యాట్స్లో మంచివి కూడా ఉంటాయని మీకు తెలుసా? బ్యాడ్ ఫ్యాట్స్ను దూరం పెట్టడం ఎంత ముఖ్యమో, గుడ్ ఫ్యాట్స్ తీసుకోవడం శరీరానికి అంత అవసరం. అందుకే మంచి, చెడు ఫ్యాట్స్ గురించి కొన్ని ముఖ్యమైన విషయాలు తెలుసుకోవాలి. ఫ్యాట్స్లో ఎన్ని రకాలు ఉంటాయి? ఏది దేనికి ఉపయోగపడుతుంది? ఏ ఫుడ్స్లో ఏ ఫ్యాట్స్ ఉంటాయి? వాటి ఎఫెక్ట్స్ ఎలా ఉంటాయనే విషయాలు తెలుసుకుందాం.
ఫ్యాట్స్లో రకాలు:
మీరు తీసుకునే ఫుడ్స్లో ప్రధానంగా నాలుగు రకాల ఫ్యాట్స్ ఉంటాయి. అవి:
* సాచురేటెడ్ ఫ్యాట్
* మోనో అన్సాచురేటెడ్ ఫ్యాట్
* పాలీ అన్సాచురేటెడ్ ఫ్యాట్
* ట్రాన్స్ ఫ్యాట్
అన్సాచురేటెడ్లో రెండు రకాలు ఆరోగ్యానికి మంచివి. సాచురేటెడ్, ట్రాన్స్ ఫ్యాట్లు హెల్త్కు కీడు చేస్తాయి. వీటి గురించి వివరంగా చూద్దాం.
సాచురేటెడ్ ఫ్యాట్:
సాచురేటెడ్ ఫ్యాట్ను చెడు కొవ్వు అంటారు. రూమ్ టెంపరేచర్ వద్ద ఇది గట్టిగా ఉంటుంది. రెడ్ మీట్, వెన్న, చీజ్, నెయ్యి, పామాయిల్, పిజ్జాలు, బర్గర్లు, కేక్స్, డోనట్స్ లాంటి బేకరీ ఐటమ్స్, ఫ్రెంచ్ ఫ్రైస్ లాంటి ఫ్రైడ్ ఐటమ్స్లో కూడా ఇది అధికం. సాచురేటెడ్ ఫ్యాట్ ఎక్కువగా ఉండే ఫుడ్స్ తీసుకుంటే మీ టోటల్ కొలెస్ట్రాల్ లెవెల్స్ పెరిగిపోయే రిస్క్ ఉంటుంది. ముఖ్యంగా హానికరమైన చెడు కొలెస్ట్రాల్ (LDL) అధికమయ్యేందుకు ఇది దారితీస్తుంది. గుండెలోని రక్తనాళాలతో పాటు శరీరంలోని ఇతర భాగాల్లోనూ పూడికలు ఏర్పడేలా సాచురేటెడ్ ఫ్యాట్ చేయగలదు. దీంతో గుండె జబ్బుల ముప్పు పెరిగిపోతుంది.
మోనో అన్సాచురేటెడ్ ఫ్యాట్స్:
అన్సాచురేటెడ్ ఫ్యాట్స్ అంటే మంచి కొవ్వులు. ఇందులో మొదటి రకం మోనో అన్సాచురేటెడ్ ఫ్యాట్. ఇది గుండె ఆరోగ్యానికి ఎంతో మంచిది. రక్తంలో మంచి కొలెస్ట్రాల్ను పెంచి, చెడు కొలెస్ట్రాల్ను తగ్గించడంలో సహాయపడుతుంది. ఆలివ్ ఆయిల్, బాదం పప్పు, జీడిపప్పు, వేరుశనగలు, అవకాడో, గుమ్మడి గింజలు, పొద్దుతిరుగుడు విత్తనాలు లాంటి హెల్దీ ఫుడ్స్లో ఈ మోనో అన్సాచురేటెడ్ ఫ్యాట్ అధికంగా లభిస్తుంది.
పాలీ అన్సాచురేటెడ్ ఫ్యాట్స్:
అన్సాచురేటెడ్ ఫ్యాట్స్లో రెండో రకం పాలీ అన్సాచురేటెడ్ ఫ్యాట్స్. వీటిలో ఒమేగా-3, ఒమేగా-6 ఫ్యాటీ యాసిడ్లు ఉంటాయి. ఇవి గుండె ఆరోగ్యాన్ని కాపాడటం సహా శరీరంలో ఇన్ఫ్లమేషన్ను తగ్గిస్తాయి. సాల్మన్, ట్యూనా వంటి చేపలు, వాల్నట్స్, అవిసె గింజలు, పొద్దుతిరుగుడు గింజలు, సోయాబీన్ నూనెల్లో ఇవి ఎక్కువగా ఉంటాయి.
గుడ్ ఫ్యాట్స్తో ప్రయోజనాలు:
అన్సాచురేటెడ్ ఫ్యాట్స్ ఉండే ఆహారాలు తీసుకోవడం గుండెకు చాలా మేలు. శరీరంలో LDL కొలెస్ట్రాల్ను తగ్గించగలవు. హార్ట్ ఎటాక్ రిస్క్ డౌన్ అవుతుంది. మెదడుకు కూడా అన్సాచురేటెడ్ ఫ్యాట్స్ అవసరం. మెదడు చురుకుదనాన్ని ఇవి మెరుగుపరుస్తాయి. జ్ఞాపకశక్తిని ఇంప్రూవ్ చేయగలవు. పోషకాలను శరీరం మెరుగ్గా శోషించుకునేలా చేస్తాయి. శరీరంలో ఇన్ఫ్లమేషన్ను తగ్గించగలవు. గుడ్ ఫ్యాట్స్ ఉండే ఫుడ్స్ తింటే కడుపు నిండిన ఫీలింగ్ ఎక్కువసేపు ఉంటుంది. దీంతో ఇతర ఆహారాలు తినడం తగ్గుతుంది. శరీర బరువు కంట్రోల్లో ఉండేందుకు ఇది హెల్ప్ అవుతుంది. సీడ్స్, నట్స్, ఆలివ్ ఆయిల్, గుడ్లు, బీన్స్, ఫ్యాటీ ఫిష్, అవకాడో లాంటి వాటిలో అన్సాచురేటెడ్ ఫ్యాట్స్ పుష్కలంగా ఉంటాయి.
ఈ మార్పులు చేసుకోవాలి:
ఆహారంలో ఎక్కువగా గుడ్ ఫ్యాట్స్ ఉండేలా చూసుకోవాలి. ఇందుకోసం మీ ఫుడ్ హ్యాబిట్స్లో కొన్ని మార్పులు చేసుకోవాలి. స్నాక్స్ కోసం ఫ్రెంచ్ ఫ్రైస్ లాంటి ఫ్రైడ్ ఫుడ్స్ కాకుండా బాదం, జీడిపప్పు, అక్రోట్ లాంటి నట్స్ తినడం మేలు. ప్రతిరోజూ గుడ్లు తినడం, వారానికి కనీసం రెండుసార్లు ఫ్యాటీ ఫిష్లు తీసుకోవడం అలవాటు చేసుకోవాలి. జంక్ ఫుడ్ బాగా తగ్గించేయాలి.
ట్రాన్స్ ఫ్యాట్ ఆరోగ్యానికి అస్సలు మంచిది కాదు. ఇది శరీరంలో చెడు కొలెస్ట్రాల్ను ఎక్కువగా పెంచగలదు. గుండెకు మేలు చేసే మంచి కొలెస్ట్రాల్ను తగ్గించగలదు. గుండె ఆరోగ్యానికి ఇది చేటు చేస్తుంది. ఫ్రైడ్ ఫుడ్స్, ప్రాసెస్డ్ ఫుడ్స్లో ఇది ఎక్కువగా ఉంటుంది. అందుకే వీటిని వీలైనంత వరకు తగ్గించేయాలి.
ఇలాంటి యూజ్ఫుల్ హెల్త్ ఇన్ఫర్మేషన్, టిప్స్ కోసం ఈఛానల్ను సబ్స్క్రైబ్ చేసుకోండి. మీ ఫ్రెండ్స్ అండ్ ఫ్యామిలీ మెంబర్స్కు షేర్ చేయండి. స్టే హెల్దీ, స్టే ఫిట్, లివ్ హ్యాపీ!
.png){kind=icon}
TGARIEA WhatsApp Group 
TGARIEATelegram Group Join Now
